قصة حب بالاكراه مر علي جوازنا 5 شهور كامله

قصة حب بالاكراه مر علي جوازنا 5 شهور كامله
مر على جوازنا 5 شهور وكل اللي يشوفنا يفتكر ان احنا عرسان جداد في شهر العسل طول اليوم دلع وضحك وهزار اينعم ساعات كتير پنتخانق على حاجات تافهة بس بنرجع ونتصالح في نفس اليوم 
يمكن الحاجة الوحيدة اللي مش بحبها فيه هي كسله الزيادة يعني ببقى راجعة تعبانة من الشغل مايفكرش يساعدني في حاجة ابدا الحاجة الوحيدة اللي بيعملها في البيت هي كوبايتين الشاي بتوع السهرة وحتى دول زي قلتهم لان كل مرة بنام فنص الكوباية من غير ماكملها وقولتله ستين مرة بناقص الشاي دة واعمل اي حاجة تاني مفيدة في البيت لكن كانت حجته الدايمة انه مايعرفش يعمل حاجة غير الشاي 

وانا بصراحة ماكنتش عاوزة اضغط عليه لأني ماصدقت انه وافق ارجع الشغل تاني
وخصوصا ان بتعامل في شغلي مع رجالة كتير وهو للأسف غيور جدا او شكاك بمعنى اصح 
بس غير موضوع الكسل دة والشك والعصبية هو فيه حاجات كتير حلوة بحبها فيه
يعني مثلا مهما كان تعبان من الشغل او مرهق لازم كل يوم جمعة يفسحني في مكان جديد مرة اكلة سمك حلوة في ابو قير مرة نتمشى على البحر وساعات لما بيكون الجو جميل
بنطلع الساحل نقضي اليوم هناك بس ياخسارة الجمعة دي كان حظي وحش اوي اول ماخرجنا المطرة شتت علينا والخروجة باظت ورجعنا البيت وهو عمال يعطس ويكح 
اول ما وصلنا البيت دخل هو يغير هدومه وانا روحت ادور في درج الادوية على اي دوا للبرد بس وانا بدور لفت نظري علبة دوا ماكنتش موجودة قبل كدة فتحت النشرة
بتاعتها لقيت مكتوب انه منوم سريع المفعول استغربت اوي بس اللي خلاني استغرب اكتر ان لقيته في المطبخ بيعمل شاي رغم انه تعبان
انا فعلا مش فاهمة حاجة واحد كسلان مش بيعمل اي حاجة في البيت ويقوم وهو عيان يعمل شاي دة غير علبة الدوا اللي لقتها مكتوب عليها منوم ايه لزمتها واحنا مفيش حد فينا بيعاني من الارق دة انا حتى كل مرة بنام وانا بشرب كوباية الش 
كوباية الشاي ومنوم كدة انا بدأت افهم تقريبا كدة كل حاجة بقت مفهومة وواضحة 
هو بيصمم يعمل الشاي كل مرة عشان يحطلي المنوم فيه بس ايه السبب اللي يخليه يعمل كدة يعني لو علاقتنا وحشة مع بعض كنت هقول بيعمل كدة لكن احنا الحمدلله علاقتنا طبيعية جدا ومنسجمين اوي مع بعض يبقى اكيد بيخوني وبيستنى لما انام عشان ينزل يقابل واحدة تانية بس لا استحالة دة بېخاف من ربنا جدا وبيصلي الوقت بوقته ولا يمكن يعمل كدة 
يأست ومش قادرة الاقي اي تفسير للي بيحصل وماكنش قدامي حاجة اعملها غير اني استنى لما