قصة شمس المعارف كامله

قصة كتاب شمس المعارف
انا إسمي أشرف وحكايتي غريبه اوووي وعجيبه تعالوا احكيلكم عنها أنا شاب عندي 20 سنه بدرس في كلية العلوم بجامعة القاهرة أنا شاب زي أي شاب في سني وطبيعي جدا لكن فيه حاجه في شخصيتي مش لاقيلها تفسير 
انا بحب كل ما تتخيلوه عن الغيبيات 
والكلام عن الاشباح والجن كنت بحب الموضوع دا أوي للدرجه إلي كانت بتخليني مثير للدهشه ما بين كل أصحابي وأهلي كمان من كتر حبي وشغفي للموضوع دا وقرائتي فيه والبحث عنه 

لكل حبي وفضولي خلاني اقع في مشاكل كبيره جدا 
وحكايتي بدأت في يوم من الأيام وكان يوم عادي جدا كنت رايح الكليه كعادتي 
ولقيت صديقي المفضل أحمد إلي أول ما شافني لقيته بيبتسم ليا ابتسامة عريضة وبيقولي أول ما قرب مني 
....لقيت إلي بتحبه وبتدور عليه يانجم 
....قلت... ايه يا برنس ومالك مبسوط اووي ليه كدا 
قال وكان لسه بيبتسم....لقيت الكتاب إلي كنت بتدور عليه يا معلم ومش أي كتاب دا كتاااب شمس المعارف
اتسعت عنيا وقلتلو ا... إنت بتهزرررر
قالي..... لا والله بتكلم بجد
قلت...يابني إنت تقصد شمس المعارف إلي بيتكلم عن الجن والعالم الآخر
قال ايوووه هوووو
فرحت اوووي وقلتله..طيب هاتوا
وبعد فترة خلصنا كلامنا بعد ما وعدني إنه هايجيبه ليا وسيبته ومشيت 
وكانت بتشتغل في مكتبه فيها مجموعه من الكتب إلى بتتكلم عن العالم الآخر وكانت زيي بالظبط بتحب كل اللي بحبوا وعندها نفس الشغف إلى عندي 
اول ما طلعت رحت للمكتبه الى بتشتغل فيها وكلمتها وعرفتها إني لقيت كتاب شمس المعارف الأمر إلي خلاها فرحت اوووي
.....بتتكلم بجد يا أشرف بجد لقييت الكتاب
بقلم الكاتب حسن الشرقاوي 
قلت....ايووووه والله لقيته 
حد صاحبي كنت مكلمه عليه لقاه وهايجبهولي
وبعد حديث طوييل وكلام كتير مابينا سيبتها 
ورجعت البيت وأنا مستني اللحظه إلي هايكون فيها الكتاب بين ايديا الكتاب إلي ياما سمعت عنه وبدور عليه من زمان وفي الليله دي دخلت أوضتي وكنت شارد بفكر هاعمل إيه لو الكتاب دا بقا معايا وبين إيديا 
لحد ما نمت وتاني يوم صحيت وزي كل يوم رحت الكليه كل حاجه كانت عادية جدا لحد ما شفت أحمد جاي من بعيد جريت بلهفه ناحيته
كان جاي بنفس الإبتسامة بتاعت إمباح 
....سالته علي الكتاب 
ومن غير مايرد شفته بيرفع كتاب شكلو غريب اوي 
هو قريب من شكل المصحف لكنه عليه رسومات وأشكال غريبه 
وضحك وقال.... اتفضل الكتاب أهو ياااعم 
قلتله وأنا ببص في الكتاب بإندهاش لشكله الغريب...هو ده 
هز دماغه وقااال..ايوووه يااامعلم هوووو
قلتله....طيب هخلصو وارجعهولك بعد اسبوع 
قال...... براحتك خالص بس خد بااالك بقاااا لتتلبس
ضحكنا على كلمته وبعد فتره سيبته ومشيت وأنا ماسك الكتاب وبكلم نفسي....هاااعمل ايييه بقاااا بيك
وأنا ماشي