لعڼة الساحر بقلم الكاتب حسن الشرقاوي
المحتويات
قصة لعڼة الساحر..بقلم الكاتب حسن الشرقاوي
انا اسمي أدهم الشرقاوي عندي ١٩ سنة من قرية صغيرة بمركز ديرب نجم بمحافظة الشرقيه. انا شاب زي شباب كتير في سني كنت بسمع كتير عن حكايات الجن والعفاريت والسحرة بحكم كمان إني من قرية ريفيه بتكون الحكايات دي منتشرة بشكل متوارث بداخلها بين الناس
وكنت مؤمن بيهم ومؤمن بأنهم موجدين في حياتنا لانهم مذكورين في القرآن الكريم وآمنت أكتر لما عيشت التجربة تجربة وجودهم بنفسي
انا داخل علي مرحلة جديدة من عمري في التعليم لأني دخلت الجامعة بعد ما خلصت الثانوي ودخلت كلية الطب لكن في محافظة تانيه .الحمد لله دخلنا الكلية بس كانت مشكلتي انا وصحابي هي السكن وبدأنا ندور علي سكن .
واحنا في طريقنا للجامعة انا وصحابي قابلنا شخص كنا عرفنا من الطلبه إنه مختص لإيجاد شقق للطلبه المغتربين
وسألنا انتوا معاكم سكن
رديت عليه وقولتله.... لا وفضلت أكلمه عن معاناتنا في إننا بنتطر نروح كل يوم ودا بيخلينا نصرف كتير
قال... انا عندي ليكم الحل عندي سكن مريح وهادي وسعره كويس بالنسبالكم
بس انا مش عارف ليه ماكنتش مرتاح ليه بالرغم إنه مافيش حاجه تثير الريبه من ناحيته إلا إني ماكنتش مرتاح خصوصا لما عرفت السعر إلى كان بسيط اوووي
المهم روحنا معاه مباشرة للسكن إلي قلنا عليه
وكان عبارة عن بيت دور واحد في أحد المناطق الشعبية لكن نظامه وشكله من الخارج كان غريب
لكنه كان من الداخل كويس جدا وشكله جديد اما من الخارج كان شكله متهالك وقديم .. البيت عبارة عن اربع غرف الغرفة بها 2سرير وكنبه وكانت واسعه وكمان كان في بوتجاز وغسالة وتلاجة يعني كل احتياجاتنا موجوده
السكن عجبنا الصراحة ووافقنا عليه مباشرة من بعد ماعرفنا سعره إلي كان رخيص ومناسب جدا لينا بالبلدي كان لقطه
المهم اخدنا غرفتين من السكن انا وصحابي عبد العزيز وتامر وكلنا من بلد واحدة
وبعد ما خلصنا إتفاق مع السمسار ومشي بدأنا كل واحد فينا يشوف وراه ايه وهايعمل إيه..
متابعة القراءة
