حب وكبرياء
كده الوضع مش هيتغير
قال جملته وكان لسه هيخرج من الباب بس وقف مكانه بصدممه علي آثر جملتها
فريده بدموع خانتها لاول مره
انا عملت كده عشان بحبك ومش عايزاك تبعد عني
لف ورفع حاجبه باستغراب وسخريه
ديه كدبه جديده ديه كمان !
فريده وهي بتهز رأسها برفض
لا يانائل ديه حقيقه انا فعلا حبيتك
ضحك بسخريه
وياتري ايه اللي غير رأيك بالسرعه الرهيبه ديه
ولا انتي صعبان عليكي أن الكل يبعد عنك فقولتي تثبتي للناس اني بعد كل ده لسه بحبك وباقي عليكي و
فريده بدموع وعصبيه
لا لا لااااااا انا مش كده انت وكل الناس شايفين الظاهر بس محدش يعرف اللي جوايا ايه
وايه اللي جواكي يافريده
وسكت وهو بيضرب علي رأسه بسخريه
فريده بشرود
اللي جوايا عكس اللي بقوله
نائل برفعه حاجب وبرود
وديه فزوره وعايزاني احلها
فريده وهي بتتنهد
لا يانائل ديه مش فزوره ده شعور جوايا
ولفت رأسها وبصتله والدموع في عيونها
انا بحبك بس خاېفه
خاېفه!
فريده
خاېفه يكون مصيري زي ماما في يوم من الايام
نائل باستغراب
مش فاهم !
فريده وهي بتبلع ريقها بصعوبه
نائل بصدممه
منتحره!!
فريده بنبره كلها ۏجع
بسبب بابا
ازاي
بابا خان ماما بعد حب ٢٥سنين خاڼها مع بنت صغيره قدي
حطت ايديها علي بوقها وهي بتحاول تكتم شهقتها
خاڼها بعد ما وقفت جنبه واتحدت الدنيا كلها عشانه
خاڼها وخيرها بين الطلاق أو أنها تتحمل فكره أنه يتجوز عليها وتفضل هي مجرد اسم في حياته وتعيش وتربيني
وبصتله بدموع
حتي انا يا نائل مكنتش حاسه بيها
وبلعت ريقها بصعوبه
انا كنت انانيه انا طول عمري انانيه ومبفكرش غير في نفسي طول عمري عايزه اعيش حياتي واعمل كل حاجه نفسي فيها
كانت دائما تقولي انتي وحشاني يافريده انتي ليه مش بتقعدي معايا كانت طيبه وحنينه بكلمه كنت براضيها وبرضو مش بقعد معاها
اقصد ابراهيم باشا مكانش يعرف عني حاجه كان مشغول مع السنيورة اللي بيحبها اللي ضحكت عليه وراحت اتجوزت واحد تاني اغني منه
ل لما ماما ماټت مكنتش بسيب اوضتها وفي مره شوفت رساله مكتوبه بخط ايديها
كانت ليا كانت بتحكيلي فيها عن ۏجعها من خېانه بابا ليها كانت بتنصحني محبش حد واثق في حد عشان مصيري ميكونش زي مصيرها
واتنهدت بحزن
اول ما شوفتك حسيت نفسي مرتاحه كنت شخص مريح رقيق في التعامل معايا كنت فيك كل حاجه حلوه كل حاجه تخليني احبك في يوم
وانا مكنتش عايزه كده يا نائل مكنتش عايزه احب ويبقي مصيري زيها
عشان كده كنت بكابر كنت بخترع الف حجه وحجه عشان تبعد عني وتكرهني بس مكنتش بتعمل كده كنت كل ما اطلب منك تبعد كنت تقرب اكتر !!
الحب اللي شوفته في عيونك خلاني اميل خلاني اعترف لنفسي بحبك عشان كده انا كنت بكابر طول الوقت
او يمكن كنت عايزه اشوف قوه تحملك
يمكن كنت عايزه اعرف هتستحملني ولا لاء معملتش حساب انك تسيبني
نائل وهو بيتنهد بحزن
انا سيبتك عشان مفيش راجل يتحمل اهانه من البنت اللي بيحبها حتي لو روحه فيها !
فريده بدموع
ا انا اسفه
قعد علي طرف السرير ومسك ايديها بين ايديه
لو كنتي بس حكيتي كل ده من الاول مكانش حصل كده
محكتش لاني خاېفه ومازلت
انا مش ابوكي
ممكن تكون شبه بس بطريقه مختلفه
انا حبيتك يافريده
افهمي بقي حبيييبتك برغم كل عيوبك دي
فريده وهي بتبص في عيونه وبتساله بتوتر
مش هتسيبني زي بابا ما عمل مع ماما
ولا هفكر اعملها
انت لسه بتحبني!
نائل بابتسامه يأس
معقوله بتسألي!!
فريده وهي بتضعط علي أيده
خاېفه اقولك بحبك ابدء معاك قصه حب نهايتها المۏت زي ماما
نائل بهدوء
مش كل النهايات زي بعض يافريده
وضغط علي ايديها
انا بحبك صدقيني
فريده وهي بتقرب لحضنه وبتسند رأسها علي صدره
اوعي تسيبني
نائل وهو بيتنهد براحه
اسيبك ازاي وانا ما صدقت لقيتك يافريده
قال جملته وهو بيضمها لقلبه وهي بتبتسم بحب وراحه ملهاش مثيل
انا مش قابل
اطلع من حضنك وامشي لفين
القمح مالوش هجر سنابل
وانا واعدك اني هاصون عهدك
وهلازم دارك وهاموت فيه
والأرض اللي انا فيها بلادك
والدرب اللي قصادك هامشيه
وان كانت أيامنا معانده
فافضلي على روح راجلك سانده
وكفاية خصام
السكة اللي بدونك ورطة
والضحكه بدونك تبقى حرام
والليل اللي مالوش صوتك ساكنه
يتحرم على قلبي مساكنه
والوطن اللي انتي بعيد عنه
تهجرني بيوته وأماكنه
وفي الحقيقه مش كل النهايات واحده جايز تكون بدايتنا بتشبه بعض في مراحل الحب والصراع اللي مبينتهيش بين القلب والعقل بس النهايه بتختلف من شخص للتاني وده اللي حصل مع فريده كانت نهايتها افضل من نهايه مامتها
تمت
