قصة دمروا حياتي بقلم الكاتب حسن الشرقاوي
واعدي علشان عارف ال فيها وبدأت تغلط فيه وتغلط في امي واخواتي واهلي .. وبدأ الموضوع يتطور بعد كذا سنه من جوازنا.. وکرهت العلاقه الحميمه ومنعت نفسها عني لدرجة اني كنت بتحايل عليها تقولي انا تعبانه ومش هقدر اعمل ال انته عاوزه .. مع انها عارفه ومتاكده اني مستحيل هخونها او اعرف حد عليها ..وهيا عارفه كده ..لدرجة اني كل ما اطلب منها الموضوع دا واقولها ما حقي كزوج واقولها الواحده ال جوزها يطلبها وتمنتنع عنه لاي سبب ربنا بيلعنها..تقولي مش هعمله روح اتجوز ..اقولها يعني لو خنتك مش هتزعلي تقولي لا مش هزعل اعمل ال انته عاوزه ..ومبقاش فيه غيره ولا انا بقيت افرق معاها اساسا .. ووصلت معاها لمرحلة اليأس .. وبقيت اقولها خلي بالك من بيتك وعيالك ..تقولي طلقني .. وانا عارف انها معمولها سحر سفلي ..بس انا حاولت معاها علشان نروح للشيخ ..كانت بترفض وتقولي انا بكرهك ومش طيقاك .. خلي عندك كرامه وطلقني.. وڠضبت آخر مره ولقيت امها بتتصل بيه وبتقولي طلقها احسن ليك وليها .. قولتلها طيب والعيال .. تقولي هيبقوا بينك وبينها وكمان هيا هتبريك من كل حاجه .. ومش عاوزه اي حاجه وهيا ال هتدفع فلوس المأزون كمان..بس طلقها قولتلها للدرجادي هيا كرهاني..ومش عاوزه تتعب نفسها وتروح للشيخ تتعالج وانا وانتي يا حماتي عارفين انها معمولها عمل والشيخ قالك بنفسه .. قالتلي انا مفيش في ايدي حاجه ..وحاولت معاه تروح للشيخ رفضت .. قولتلها طيب والحل قالتلي طلقها وكل واحد يروح لحاله ..وقالتلي وصدمتني ولقيتها بتقولي مراتك بتقولك لو مطلقتهاش بالزوق هترفع عليك قضية طلاق وهتجرجر في المحاكم وهتسجنك.. اقسم بالله اټصدمت صدمة عمري .. بقي هيا دي الانسانه ال ضحيت بكل حاجه علشانها ورجع شريط ذكرياتي معاها والحب ال كان بينا .. يتحول لكره وحقد وغل .. بصراحه بعد ما حماتي قالتلي كده نفسي قفلت منها .. وقولت لحماتي انا هروح للمأزون واحدد معاه ميعاد واطلقها..وفعلا روحنا للمأذون وطلقتها.. وانتهت علاقتي بيها .. انا بحكيلكم حكايتي علشان تعرفوا قد ايه في ناس قزره .. وبتعمل أعمال سفليه بلا رحمه .. اعمال بتخرب البيوت وبتدمر عائلات واطفال ملهومش زنب..وحسبي الله ونعم الوكيل في من دمر حياتي ..وحيات اولادي .. وانا حاليا بقيت وحيد من غير ونس.. وتعبت من الوحده .. لاني مليش أصحاب اقعد معاهم وافضفض واطلع ال جوايا..والله الكتمان بېقتلني واحده واحده .. انا استغنيت عن الدنيا كلها علشانها لدرجة اني مليش حتي صاحب واحد .. وفجأه لقيت نفسي لوحدي وعقلي بيتفرم تفكير وقلبي بيوجعني.. وانا فضفضت معاكم لاني معنديش حد افضفض معاه .. وانا لوحدي في الدنيا من غير زوجه
